廟街睇相後記

廟街睇相後記

8 二月2006

今日又唔舒服，真係好辛苦，唔知幾時先可以搞電。。。
訓左成日，黃昏有朋友叫我出尖咀行下，
咁岩我一直都想去廟街睇下相，所以就出左去。
今日幫我睇相既李大師基本上都中哂＝．＝
背景：
１．少年運唔好．讀書冇成．越讀越差(小學時還可以..中學死哂)
２．父母離異．感情唔好．．．(真係離左婚)
３．同兄弟和諧相處(到而家同細佬感情都ok)
４．性格脾氣唔好，但唔小氣，多數過左就算(=.=識我既人又覺得係唔係呢)
５．記性唔好，小事會有大意，但做大事會比較穩定(前中....但大事得唔得就唔知啦)
６．酒肉朋友多，但可以講心事既極少(香港又有幾多人有好多傾心事朋友呢)
７．固執，但年齡越來越大而想通(細個時包拗頸, 自覺而家進步左好多)
８．１６～１７歲有桃花

預測：
1．旺夫
2．如果會生仔的話，十個八個唔成問題（不是吧＝．＝）
3．只要過到十八歲，到一百歲健康都ｏｋ
4．２６歲開始有事業金錢運，會換車換樓
5．大富大貴命．有錢之後會享受，唔會辛苦賺錢
6．小心投資同埋賭博，冇賭運
7．呢幾年比較唔穩定，但都會越來越好
8．唔會好照顧父母
9．好多仔溝．要小心

聽完又記得大概就係咁。。。
其實呢幾日都唔係咁安樂．．．
睇完相之後雖然唔知準唔準，
但真係心安理得．．當俾錢睇心理醫生都好～
佢睇我背景好準～都講中哂～
唔知之後既預測係唔係都一樣中呢～
不過好難想像我點樣響呢幾年無啦啦賺好多錢．．
賺到可以買車又換樓呢－．－
拭目以待吧～開心左就算了～
迎接新生活吧＠０＠～