2006年2月18日 星期六

Eason一出.誰與爭鋒?

Eason一出.誰與爭鋒?

18 二月2006

心急想睇咁耐既Eason演唱會終於都睇左啦,
真係好開心好開心~~真真正正做到未出發先興奮~
其實入場前我都做好哂準備,
買左螢光捧, 吹左棒棒..
唔知係唔係玩得癲得制...
2支螢光捧都俾我玩壞左....
而吹氣棒棒都打到冇氣=.=好不幸...
最後竟然要出動到手提電話.....
好彩見到對面都有人同我一樣...

講番個演唱會~其實真係好抵睇..
8:40分開show..11:15分完~
最後Eason仲安歌多一首『與我常在』..
今次Eason全部都係唱自己既歌...
入場之前都有少少想聽佢唱其他人既歌..
可惜左少少...

不過入肉位就要講到呢2首歌:
先黎『最佳損友』之後再到『Shall We Talk』,
2首歌對我黎講有非常恐嚇既化學作用,
由我第一次聽『最佳損友』已經想起Form4時最好既朋友,
而『Shall We Talk』更加係Form4時推出,
個時我同『損友』都好喜歡Esaon,
而我自覺個時都好Friend好開心,
我地成日上課時抄歌詞、玩打手之類,
我諗我呢世都唔會忘記。
當擒晚Eason唱呢2首歌時...
直頭帶我穿過時光隨道...
番番去form4個一刻。而家先知道, 個時係幾咁幸福。
我知道呢位『損友』都有去睇Eason演唱會,
我實在唔係好敢約佢去睇, 始終佢而家都有好多自己既朋友~
希望下次Eason再開演唱會時~
我有勇氣可以開聲問佢啦~

不過擒晚同我睇既朋友都好好,
都玩得好開心, 因為大家都係咁癲-.-
由於坐21行既關係, 比條欄杆遮左少少舞台,
我地就拎所有隨身既物品放響櫈上面,
咁就憑多呢少少既高度就可以清楚睇到@0@~
呵呵~~。
但願我呢一生人, 可以睇哂Eason所有演唱會~

2006年2月8日 星期三

廟街睇相後記

廟街睇相後記

8 二月2006

今日又唔舒服,真係好辛苦,唔知幾時先可以搞電。。。
訓左成日,黃昏有朋友叫我出尖咀行下,
咁岩我一直都想去廟街睇下相,所以就出左去。
今日幫我睇相既李大師基本上都中哂=.=
背景:
1.少年運唔好.讀書冇成.越讀越差(小學時還可以..中學死哂)
2.父母離異.感情唔好...(真係離左婚)
3.同兄弟和諧相處(到而家同細佬感情都ok)
4.性格脾氣唔好,但唔小氣,多數過左就算(=.=識我既人又覺得係唔係呢)
5.記性唔好,小事會有大意,但做大事會比較穩定(前中....但大事得唔得就唔知啦)
6.酒肉朋友多,但可以講心事既極少(香港又有幾多人有好多傾心事朋友呢)
7.固執,但年齡越來越大而想通(細個時包拗頸, 自覺而家進步左好多)
8.16~17歲有桃花

預測:
1.旺夫
2.如果會生仔的話,十個八個唔成問題(不是吧=.=)
3.只要過到十八歲,到一百歲健康都ok
4.26歲開始有事業金錢運,會換車換樓
5.大富大貴命.有錢之後會享受,唔會辛苦賺錢
6.小心投資同埋賭博,冇賭運
7.呢幾年比較唔穩定,但都會越來越好
8.唔會好照顧父母
9.好多仔溝.要小心

聽完又記得大概就係咁。。。
其實呢幾日都唔係咁安樂...
睇完相之後雖然唔知準唔準,
但真係心安理得..當俾錢睇心理醫生都好~
佢睇我背景好準~都講中哂~
唔知之後既預測係唔係都一樣中呢~
不過好難想像我點樣響呢幾年無啦啦賺好多錢..
賺到可以買車又換樓呢-.-
拭目以待吧~開心左就算了~
迎接新生活吧@0@~