梔子花，白花瓣

梔子花，白花瓣

早兩個星期特意到花墟挑選水種植物，
那天大豐收的買了很多，
包括家樂花，水星草，最後還遇到水種的小樹，
店主說它的名字為『水橫枝』，
雖然猶豫了一會，但還是一一買下來，
準備帶回公司，為新位子加點生氣。

最後被帶回公司的卻只有小樹，
今天忙過後，為植物淋水時，
看到葉子有洞，不知道是否健康有問題，
便上網找找資料，但結果卻非常震撼。

原來水橫枝的花亦是梔子花，
第一時間想起劉若英的- 後來，
當中的歌詞：梔子花，白花瓣，落在我藍色百褶裙上
立時對小樹的寵愛加倍。

再想一想，梔子花不就是亦舒筆下那種脫俗的花嗎，
描寫得最多的，肯定是《明年給你送花來》中，
女主角名芝子，音跟梔子一樣，
不得了，原來這小樹這樣厲害。

網絡上看了些文章，才知道亦舒應該不曾看過有過梔子花，
但卻在她的作品佔著一個高貴的地位，
有人說，這不是跟我們凡人看愛情一樣嗎？
有多少人看過有過愛情呢？

那個永恆的夜晚已經逝去了，
還好是梔子樹跟星光能陪我去渡過感嘆吧，
曾經擁有過便不能更貪心，
何況，現時手上有的，也不差，或者是更好吧。

全力多打漂亮一仗

全力多打漂亮一仗

二月王先生去美國前的一個晚上，
在跟他由旺角行到美孚時，手指腳指無故腫起來，
腫得連手錶都戴不上，幸好之後便消腫了。

之後的日子，自己一個人在香港，關節有時也會腫起來，
還有開始手指發熱等等情況，情知不妙了，找來醫生看看。

經過了抽血，又做過了磁力共振等等，
醫生說確診是『類風濕關節炎』，雖然半信半疑，
可是都開始了藥物治療，也多找了資料去認識這個病，
。這是一個長期病，沒有斷尾
。嚴重情況關節會變形，影響日常工作及照顧自己

由六月中旬開始服藥，一開始是四粒甲安碟令，
服藥後兩個星期，抽血結果是我沒有排斥這種藥，
接著是六粒甲安碟令，這次結果是發炎指數稍稍升了。
持續著抽血，見醫生，服藥加藥之後，
昨天8月28日再次見醫生，服了兩個星期六粒甲安碟令及每天四粒SALAZOPYRIN，
醫生有點沮喪的說新藥看來沒有太大效果，發炎指數又再創新高，
加上最近我的病徵已經影響到膝蓋發炎及無力，
是時間要考慮改轉『生物製劑』。

已經是第二次在等取藥時，有種很想大哭的感覺，
由一開始仍然可以笑著面對這個病，現在真的很灰心，
太多恐懼及煩惱解決不了，想到將來想到醫藥費就很無助，
心情很差，想避開所有人，只想睡睡睡睡睡。

我知道現在不是放棄的時候，在灰心的同時，
我還是預約了一下星期見風濕科中醫及另一位對這個病有研究的西醫，
雖然診金不少，但還是比開始用『生物製劑』化算，
一日仍然活著，都要有活著的樣子吧．．．

完　陳奕迅

作詞：林寶
作曲：Eric Kwok
編曲：Swing

一刻心也跳著 命能懸著 尚能燃著 雖則一秒過後或結帳
光陰需倒計著 但呢喃下 照樣漫長 塵還未了 沒有路撒手歸向

從來從來病床一張 就算已躺上 點滴再響 但意志高漲
雖已走向 那滅亡最終一章 全力多打漂亮一仗
仍祈望那重傷 或會有轉向 這是妄想 怎也說不上
無力軟弱 總不免變得倔強 無奈生於死角 只得一個下場

終迫出勇氣讓 被誰懲罰 被誰原諒
願再擔保 不過信譽壞了帳
終識得去退讓 但懸崖上 再沒後場
為求未變敵對互送多一掌

從來從來病床一張 就算已躺上 點滴再響 但意志高漲
雖已走向 那滅亡最終一章 全力多打漂亮一仗
如承受那重傷 未見有轉向 這樣對比 可會太牽強

同樣脆弱 不得已要坦白嗎 病至膏肓再避不上
自認自認未絕望 未去努力著
但時日錯過了 再怎可勉強
沒權利失落失望 今天我倆 俱傷得 欠救藥

原來尚有創傷 沒法去敷上 關係那可 斷了再拉上
可會驚詫 世事如只得一雙 沒法扭轉結局方向
原來尚有理想 沒法再攀上 想贈那獎 都不及去頒上
難道歲月 多少課也可白上 唯獨告別路途 要懂怎去走上

手一僵眼閉著 未能延著 別求燃著
學會花圈棺蓋了後 就獻上
但願步過瞻仰 你亦明白 看穿真相
尚有些仗 全力亦打不上

這十年來做過的事．能令你無悔驕傲嗎？

這十年來做過的事．能令你無悔驕傲嗎？

這麼多年來印象最深的情人節，
還是十年前的『軍事行動』，
雖然當天並不是跟情人一起過，也沒有什麼甜蜜片段，
可是昨天再次走到尖東，那幾幕卻還仍然歷歷在目，
怎麼了？十年已經過去了嗎？

早幾天，在Wyman的作品展上，第一次聽這首歌，
之後立即上網找來歌詞，細細的聽了數十遍，
心裡邊好像有幾顆小針在刺在刺：

給十年後的我 薛凱琪
作曲：陳小霞
填詞：黃偉文
編曲：Billy Chan

這十年來做過的事
能令你無悔　驕傲嗎
那時候你所相信的事
沒有被動搖吧

對象和緣份已出現
成就也還算不賴嗎
旅途上你增添了經歷
又有讓稜角　消失嗎

軟弱嗎
你成熟了　不會失去格調吧
當初堅持還在嗎
刀鋒不會　磨鈍了吧

老練嗎
你情願變得　聰明而不衝動嗎
但變成　步步停下三思　會累嗎

快樂嗎
你還是記得你跟我約定吧
區區幾場成敗裡
應該不致　麻木了吧

快樂嗎
你忘掉理想　只能忙於生活嗎
別太遲　又十年後至想　快樂嗎
－－－－－－－－－－－－－－－－

歌詞中，十前年的我問了很多個問題，

當中最難答的是：『快樂嗎』，
只能套句亦舒的金句：『不是不快樂的』
十年前的我，應該還聽不懂這句話吧。

那時的苦惱，今天都解決了，
不算和諧的家、忽冷忽熱的男友、無頭緒的前途，都消失了吧。
今天的苦惱，十年後也同樣會得到解決嗎？
孤獨守候的家、沒有溝通的丈夫、無起息的事業，都會解決嗎？

最近立心努力給廿年前的自己還債，
那時候，很羨慕同事學習鋼琴，
只是明知道家境沒可能負擔得到，
唯有將此事一直埋在心裡面。
最近半年，常常都落單了，
在自己一個人時，突然想起是時候實現了，
明年將會第一次考琴試，
若果廿年前的我來找我，還算對得起她吧。

然後，怎麼想都想不到，
有什麼是十年前的我想要的，
會是因為，那時已經是一生裡面最快樂的時候嗎？
抱歉，我沒能將『快樂』還給你，
這個夢想，實在是負擔不起。

十年後的我，應該同樣未能回答『快樂嗎』這個問題，
但願答案永不變成『否』．．．

2011．第三新東京紅葉初盛PLUS草泥馬微笑之旅．Day 5

2011．第三新東京紅葉初盛PLUS草泥馬微笑之旅．Day 5

Day 5 新宿

最後一日，我地將於16:20乘坐CX番香港，
所以會坐12:40開既N'EX出發去機場，
時間唔多，所以今日集中係新宿活動。

經過連日黎既早起，Day 5終於可以訓到9點起身喇，
最後一輪收拾及Packing後，我地由東新宿坐JR去到新宿西口，
搵左一陣先係JR閘口搵到大型Locker，400Yen就可以放哂行李入去！

無物一身輕，即刻飛奔落小田食品場買塊大吉列豬扒食，
然後就行去思憶之橫丁附近既大黑屋，想睇下有冇平價Baby-G執，
可惜仲未開舖．．．
一邊行下行下，又去番Day 1個間夾公仔店，
點知俾我發現到重大既挫折．．．
夾公仔店竟然做緊全場100Yen！！比我地Day 1夾平左一半呀！

因為我既貪玩，而且又睇中左隻草泥馬公仔，就唱左1000yen玩喇！
今次我地醒左喇，每完一次都會搵店員黎幫手，
結果唔駛1000yen就已經夾到手，Yohohohohoho！
你地睇下呢公仔係唔係好得意，而且抱上手仲好軟好舒服架～～


夾完公仔再去番大黑屋終於都開左店，不過冇野睇得岩，
我地度下度下又黎到Keio百貨，因為仲有少少時間就行下，
發現左一個以『鯨魚』做Logo既帆船袋牌子，
用料好特別，設計亦到好靚，加上男店員努力用英文講解，
我考慮左一陣就買左個6615yen既餃子袋，
當時另一半已經有d想買個18xxxyen既大袋，不過都係忍手，
到我買完，行左上幾層佢又心掛掛，結果都係買左XD

拎左貨之後時間已經唔多，不過都趕去搞退稅，
點知因為我地分開左單購買，只有另一半個件可以退．．．嗚，
好喇，真係冇時間喇，我地用盡最後二十分鐘衝番去小田食品場，
買埋是日午飯上N'ex食，呢份係另一半食既豬扒飯

 
而我緊係食壽司啦！


趕頭趕命咁，仲要行勁遠終於12:30到站口等車，
14:00鍾到達機場，原本以為過關要好耐，
結果14:20就已經KO...仲有2個鍾都唔知做咩好，
機場又唔算多野行，但我地都來回行左2~3次，
行到冇野好行又累，就去用200YEN 10分鐘既按摩機，其實都幾舒服！

好喇，上機啦～～而今次遊行亦完滿結束，多謝大家收看！

Day 4 池袋Sunshine City NAMCO 餃子博物館

Day 4 池袋Sunshine City NAMCO 餃子博物館

離開Mother Farm之後，又要經歷90分鐘既回程喇，

到達東京站時已經六點鐘，我地係東京地下街行左一陣，
不過個到特色野唔多，反而好多貴價蛋糕及和食店，
最後閒逛左鬆弛熊專門店就閃人～出發去池袋開餐喇！

就係計劃行情時，已經決定左呢日晚餐係要去Sunshine City內NAMCO既餃子博物館食，
不過由於Sunshine City遠離大街有段路程，而我又發揮迷路精神．．．
結果左搵右搵一大輪先去到Sunshine City大樓，
入到商場又再搵啊搵啊都搵唔到NAMCO係邊到，差d以為佢執左呀，
幾經辛苦行入左個後樓梯反而見到指示，
跟住行左陣終於都搵到喇！好彩未執ja，因為另一半已經期待左呢餐好耐架喇！

其實NAMCO既餃子博物館除左食野，仲有好多野睇架，可以稱得上為一個小型主題樂園

踏入餃子博物館會有好多間店舖等緊你，有傳統煎餃、湯餃、卡通造型餃等等，
每間店都有自己既招牌餃子，今次我就選左食雞翼餃，雞翼裡面有菜有肉架！

餃子以外，呢個館仲有好多貓！


池袋怪談

食飽飽之後，就係博物館到行下喇，
博物館係以古代日本民居及街道做題材，
可能因為當日人流少好靜，我總係感受到一陣唔自在，感覺唔係好舒服咁，
甚至有少少想快D行完快D走，所以都冇乜影相。

當我地行完一樓展館，想上去二樓蛋糕館時，
竟然有一條好陰森恐怖既路係前面(類似鬼屋咁樣)，
原本已經有d驚既我，當然唔肯行入去啦，不過另一半話呢條係上樓上既必經之路，
我唯有May埋眼想好快咁衝過去，一路仲要好驚有野彈出黎嚇我．．．
．
．
．
幸好，安全到達二樓蛋糕館，呢到氣氛係行可愛夢幻路線，d恐怖野冇哂喇，
周圍都有佈置得好靚既蛋糕店雪糕店


驚魂稍定之後，就開始食飯後甜品喇，呢個係我食既，好好味！

 
呢個號稱一生一定要試一次既芝士蛋糕係另一半既，佢話都好好食喎～


食完之後就閃人喇，好彩落一樓時唔駛再經過恐怖走廊，
出到池袋再行左一陣，又睇下人地夾公仔，我地都番酒店休息喇～

累積左呢四日買既手信，冇帶喼既我地，已經好苦惱究竟點樣拎番香港好．．．

Day 4 - マザー牧場 Mather Farm．Part II

Day 4 - マザー牧場 Mather Farm．Part II

『山頂和燒』

告別羊咩之後，時間已經黎到點半鍾喇，嗚，三點半就要走喇，唔想走呀，
正當爭扎玩盡呢兩個鍾頭，定係醫左肚先既時候，
我地聞到附近既山頂傳黎好香好香既烤肉味道，所以就好八掛咁去望下喇～
哇，原來係一個露天和燒場呀！一場黎到，嘿，搵位坐低食番餐先啦！


另一半去買食物時，我就負責搵工作人員幫手清潔桌子，
然後無聊地東張西望之時，餐廳外既風景靚到我啞左成分鐘呀！


回復正常既時候，另一半都買好左食物番黎～
嘿，好肚餓呀，等唔到喇，即刻就開始和燒午宴！


特別加餸：羊架！


唔，黎到Day 4，差唔多地道日本菜都試過哂，好滿足呀！
食飽飽一路沿路行落山，見到成個山坡都係波斯菊～～～

點解可以有個咁靚咁好既地方架！？

『微笑草泥馬』

玩過又食過之後，就黎到呢站既尾二壓軸活動：同草泥馬影相！
趕到場館時，已經有好多當地人排緊隊喇，睇黎草泥馬係日本都好Hit喎，
緊係啦，佢地個樣咁可愛，成日都微笑真係引死人呀！

排隊排左半個鐘，終於都可以接近到第一隻草泥馬啦，
佢有一副壞孩子既外貌同埋可愛既背影，可唔可以帶佢番香港養呀！？


到我喇到我喇！一行埋草泥馬就忍唔住抱佢，
我估佢已經習慣哂熱情既Fans，所以一d不滿都冇，仲擺左個Chok樣出黎影相XD


可惜太多人排隊，可唔可以抱佢耐D啦!!!

『Byebye Mother Farm』

壓軸壓軸壓軸壓軸壓軸節目喇，原本以為唔夠時間，點知仲有30分鐘喎，
即刻跑落山去搵馬仔玩，因為我已經恨左騎好耐架喇！


正式騎馬之前呢，要先學習下同馬仔相處，唔好激嬲佢呀！


500Yen可以騎住馬仔行一個圈，好彩我體重未超標！


岩岩坐上馬時勁驚，因為好拋又坐得側左，領馬員不斷安慰我，
不過．．．我唔識聽日文呀！～～而且要拎實馬鞍唔可以做手語表達，
臨行到番去，領馬員仲叫我舉V手勢．．．嗚，我唔敢放手呀！


落左馬仔，就緊係要餵番佢地啦，不過要小心呢．．．


夠鍾喇，要坐接駁巴士番去．．．臨走之前，幫襯左400YEN一條既燒香腸，
雖然好貴，不過同d低級廚師腸唔同架，好juice好好食！大家有機會一定要試呀！


Byebye Mother Farm，呢日真係好難忘呀，
每次睇番當日既相，就算幾唔開心都會笑番～多謝你地！
．
．
．
同場加映，一公升牛奶！

由於想拎個樽番香港．．．所以當晚兩個人鯨吞左一公升鮮奶！好好味！

Day 4 - マザー牧場 Mather Farm．Part I

Day 4 - マザー牧場 Mather Farm．Part I

話說坐左兩個鐘頭車黎到千葉既某某高山，

原本我都好懷疑究竟マザー牧場 Mather Farm係唔係真係值得黎，
不過一入到園，見到第一隻動物之後，就乜懷疑都冇哂！


其實牧場每個時間都安排左活動同埋表演，所以跟住時間表咁玩就可以睇哂！
首先我地去左睇綿羊show，好鬼得意架！
有唔同國家既綿羊排好隊～同主持人及牧羊狗表演～



表演後，大家可以上台親親羊咩及影相留念，佢地真係好乖呀！



睇完羊咩表現之後，就係我最期待既鴨子大巡遊啦～～～待續！！

『鴨子大巡遊』

就係行去『鴨子大巡遊』場地既時候，首次發現牧場好既風景！
一片大大既草地，望住不盡既山脈～～哇！不枉坐兩個鐘頭車黎呀～～


好緊張呀，好想快d睇成班鴨仔沖埋黎既盛況呀！

當睇完風景又稍等一陣，『鴨子大巡遊』就正式開始啦！心跳加速～
一開閘既時候呢，幾十隻鴨仔已經急不及待咁飛出黎同大家見面啦！


有白色有雜色既鴨仔，衝呀衝呀～左搖右擺咁行得好過癮呀


原來係要衝去工作人員身邊搵食～



冇花冇假，有隻鵝混入左鴨仔推到搵食，唔通醜小鴨既故仔係真既！？


鴨仔巡迴左兩個圈，又同當地小朋友玩過小遊戲之後，就要去休息喇，
嗚，我都好想同佢地玩呀．．．


『崖上的羊兒』

睇完鴨仔之後，我地就去左行左陣手信店喇，當中最搶手既緊係手泥馬公仔啦，
另外仲買左一樽牧場自家制既新鮮牛奶同埋馬油之類既制品，
正當見到有芝士試食，就面懞懞咁去試左一粒，唔！！好好味，不過驚變壞，都係冇買．．．

Shopping完畢之後，我地就要行落山波趕去睇『放羊大會』喇，
趕到既時間仲未開始，正當我仲整理緊岩岩買左既戰利品時，
另一半就叫我快d睇～～但係個山頭咁大，睇咩呀？
冇錯，原來真係睇『咩』，因為有一大堆羊跟住牧羊狗係山上衝緊過黎呀！
當我驚嘆不已想拎相機影相時，羊咩大隊已經跑到落黎面前喇，嗚。


接住落黎，原來係牧羊狗既solo表演，佢帶住一班傻羊散步，
不過會不斷圍住羊咩跑圈，又會用眼神兇一d想離群既羊咩，大家都交足戲呀！


表演後，又係自由活動時間喇，
大家可以係山坡到，同羊咩一齊食草～呀唔係．．．陪佢地食草先岩XD


羊咩好好笑容架，貼住佢地影相都唔會走開！好親切呀！！


玩左十幾分鐘後，羊咩同狗仔都要番屋企休息喇，
不過未玩夠都唔緊要喎，因為附近仲有一班餓羊等緊你餵，
將牧場免費提供既食物落係手心，羊咩就會即刻飛撲過黎食架喇！



＊＊＊特別報告＊＊＊
羊咩係鍾意食紙袋架，裝滿手信既紙袋就係混亂中被羊咩咬爛左．．．

個袋500YEN架．．．