預言@Lonely Birthday

預言@Lonely Birthday

27 十二月2005

2005年聖誕就係咁過咗。
12月24, 25, 26 27我竟然都冇離開過屯門,
除咗24號去睇左套爛片之外....
假日最遠係去左圖書館=.=(路行15分鐘)
25號之後, 直頭冇行遠過自己條村....
點解我個聖誕節會變成咁。。

其實真係破哂紀錄, 基本上我冇一年唔會唔出去玩,
之但係今年連少少燈飾都冇睇~
迎接21歲既聖誕節根本就冇過...
究竟係工作既錯, 係陪我既人既錯, 定係貓既錯=.="

咁又少一年聖誕節lu~過一年少一年~
而且覺得今年冇認真過過聖誕節,
黎緊生日, 中秋, 再聖誕節, 都唔會過得認真...
借Wyman一句歌詞:
『人生太早已看得化．也可怕』
如果係要好心分手，究竟係要同邊個分手呢．．．

希望生日個時會好d~不過已經知道左生日都唔可以請假~
雖然請假又冇咩好做, 過左Lonely Christmas,
將會過 Lonely Birthday.....

點解早幾日唱k唔歌草蜢既Lonely呢?
定係我會好命硬200年後可以過221歲既Christmas呢....
好想生日去旅行~已經Plan左3年~
18歲到21歲都係想生日去大阪睇櫻花~
即使係自己一個去都好~~感覺好似有新開始~
可惜, 相信22歲前都唔會有機會去旅行啦。

遲來的聖誕節願望: 有錢、有假、有人陪我生日去旅行(番大陸都好)

唉...幾時變到咁Cheap.....

舊同學聚會~

舊同學聚會~

4 十二月2005

哇哇哇~~好鬼開心呀~
同左幾個舊同學出左旺角玩~
原先未出黎前我都有d近響心怯
不過出到就另一回事啦。
首先我同倩倩(紫衫)出左黎先~
我地行咗幾個商場~一齊睇男明星相,
仲睇cosplay衫唷~~
我話如果cosplay早幾年興就好啦...
而家先出搞到我唔敢著。
然後...係瓊華仲發現有迷失羊既product。

然後齊人, 我地去左影貼紙相~
真係開心死人啦>0<
我好耐都冇影過貼紙相啦~
一班女仔一齊影真係好好玩~
不過唔知幾時加左價咁貴~
好彩有帶數碼相機補影幾張~呵呵~
然後倩倩要走了~~嗚嗚~
之後阿春再來join我地~
以我記得好似會考之後我都冇見過阿春喇~
3年後先再見, 不過大家都好似冇咩點變~
一d都唔覺得生保~~好快就玩得好埋啦~
我地影完貼紙相就上左間cafe玩大富翁~
途中cyrus朋友倒左杯金沙容咖啡~
好似成餅野係旁邊..好嘔心=.=
但今次玩大富翁都幾悶, 我係咁坐牢-.-
搞到得個坐字~
玩到3點幾大家就飛的番家啦~
今次同5個舊同學同黎玩真係好開心~
好有親切感, 話哂大家都一齊生活左咁耐~
以前食飯、上堂都一齊~~
今日一聚好似搵番呢種感覺, 大家都係好close~
我諗我有半年冇玩過咁開心啦~
雖然玩得好夜...但個人真係relax左~
真係放左一日假期既感覺~~
我地約好左, 如果吳彥祖上新戲就再一齊去睇~
Yoho~~~開心開心~~~~~有朋友既感覺真係好開心呀~~!!!

笑中有淚

笑中有淚

15 十一月2005

番工對住同事要笑, 就算其他team出左事要我補,
我都要笑, 如果唔係我就會冇禮貌。
對老世更加要笑, 無論咩野唔想聽既話,聽左都係要笑,
如果唔係, 我就唔大方。
番到家對住佢, 要笑, 如果唔係就算係冷淡。
番到娘家, 對住阿媽, 唔笑既話就會俾人串我選擇錯誤。
對住朋友, 除咗笑, 仲可以點。唔同次次都大家攬住一齊喊。
一班人當中, 一定要有一個人係不斷笑, 笑到好似個小醜咁。
但偏偏小醜個面具係笑中有淚。真係諷刺。

原來, 楊千嬅既歌真係入肉到不得了~
先一首姊妹, 再來小星星, 黎首可惜我是水平座,
岩岩好足夠喊到收唔到聲, 3首加埋~10分鐘既時間唱出哂我想寫既野,
最後, 補一首『寒舍』, 自我安慰一輪又繼續生活。

雖然今日放假, 不過一早就做左好多公司野,
連用msn同人溝通都要笑~
做夠啦, 得番我一個人時我唔要再笑。
得番幾千蚊身家, 仲有費用要俾,
但係如果連我自己都唔可以鍚自己~
咁有咩意思~即使用哂d錢就要死都係咁話~
出街~買一路想買既野~食唔捨得食既野~~
邊個仲要戴住個死人面具對住大家笑~

寒舍

曲：伍樂城　　詞：于逸堯

不理悶煩事情　不見路過蜻蜓
這新居多麼寧靜　秒針的跳聲
沈默地聆聽　煩悶用冷靜回應
如無聊　就看海　不必追逐真愛
間中孤單亦可愛　於沙發上托腮
靜靜盼望露台花開　是否　更覺精彩

曾認識戀愛家　曾受傷變害怕
害怕遍地的雪花　聖誕除夕過冬
可有節目嗎　沒有節目太脫俗
怕看到煙花　求自已擺脫他
還付出了代價　放棄愛情搬了家
聖誕前離別了他的家
將門牌倒掛　縱是後悔了
也找不到他的號碼

不怕淡忘熱情　只怕上帝顯靈
說他終於也承認　付出不夠多
其實在乎我　無奈令我亦難過
試過了　沒結果　不管怎樣出錯
我只想今後好過　即使再度拍拖
我也不要飄泊巔簸　住我家　上我的鎖

曾認識戀愛家　曾受傷變害怕
害怕遍地的雪花　聖誕除夕過冬
可有節目嗎　沒有節目太脫俗
怕看到煙花　求自已擺脫他
還付出了代價　放棄愛情搬了家
聖誕前離別了他的家
將門牌倒掛　縱是後悔了
也找不到他的號碼

我已搬家　忘掉他不見他
曾受傷會害怕　害怕遍地的雪花
聖誕除夕過冬　可有節目嗎
沒有節目　怕會嫌我太瀟灑
能盡早擺脫他　情願不理代價
放棄愛情搬了家
聖誕前如若有一天真的分開了
我亦能笑說　正好早點歸家渡假

去迪士尼『門口』要做足準備

去迪士尼『門口』要做足準備

19 九月2005

中秋終於過左啦, 呢幾日病到成隻老鼠咁.....
擒日終於頂唔順去左睇醫生, 食左幾次藥好番少少啦。

今日一早起身~~我就同苗傑出發去迪士尼『門口』玩啦~~
為左可以搭到迪士尼MTR, 所以我由兆康坐西鐵轉地鐵, 再去到迪士尼MTR站.....
去到現場真係好開心呀, 好多人, 好熱, 亦有唔少冇禮貌既人打尖同埋推人,
不過都唔緊要, 因為真係好好玩嘛~~

出左迪士尼MTR站之後, 我就去到迪士尼門口玩啦~~~
其實迪士尼門口地方好大, 而且冇野可以幫手代步,
所以都消磨唔少時間=.="去到門口真係好興奮~
有諗過入場玩, 但一見到350蚊一張飛就好唔捨得=.="
所以繼續響門口搞搞哄算LU~~

大半個鐘之後, 我地去碼頭出發~~
不過當時係正午, 灑到成隻豬頭咁樣~~
所以去迪士尼門口一定要做足準備!!
如果唔係會番唔到家架~~~
行老遠去左碼頭, 見到酒店既全貌,
不過竟然仲未有船坐架~~~激死人~~!
唯有死死氣行番轉頭啦~~

原先灑到好熱既地下, 因為突然落雨既關係,
冒出絲絲青煙, 真係奇境=.=""
死到番迪士尼門口已經開始好累(只係玩左約2小時)~
打算再去迪欣湖...死死氣俾左3蚊上巴士~~
到左迪欣湖之後真係崩潰.....
咁大個地方-.-響下午兩點幾要行哂一定係拇自己條命黎較飛,
我HEA左一陣已經放棄=.=".......
真係想暈咁制~~唔建議大家拎來回6蚊去迪欣湖。

不過迪士尼門口就實在抵玩~~~

玩左成日...好似又病過=.=""
早抖啦~~聽日要番工了~~

先要捍衛自己．才可以捍衛世界

22 八月2005


上星期五收左樓啦~~
並唔覺得有樓係成功既象徵...
只係想有一個私人空間捍衛自己。
的確, 連日黎為左間屋既怖置,
都花左好多心機準備~
反而令到工作壓力低左d..
不過我仍然好著緊呢我一手帶大既工作....

回顧我呢間只有496尺既屋...
一再覺得20年要拎3500蚊出黎都係值得~
用3500蚊, 換一個有安全感既私人地方....
一d都唔心痛...
可能有人覺得咁細就要每月俾3500蚊出去好辛苦~~
但人各有志嘛~我自己係覺得好開心

收心養性左咁多年既我,
既然又再有緋聞....
始終都係女仔....對呢d事~~有少少開心啦~~
不過我好乖乖架~~只係想守護住一處最安全既地方~

有機會聽下joey新歌~天之驕女~
又一首女強人令愛情冇結果既歌~~~

輸得漂亮??

輸得漂亮??

28 七月 2005

上海番黎之後又跌入一個新既迷惑期...
擒晚同2位同事去食飯~~傾下最新既定位..
而家個心都位番d~~~
而且仲學識一個新既諗法...
原來..別人安排比我既競賽裡面, 我係可以選擇唔加入比賽~
『其實我不需要贏 只要做我~~』
擒晚成晚諗呢首歌~~輸得漂亮嗎??
我還是不喜歡輸...我要一直嬴~~~重生啦~~~

輸得漂亮

作曲:金培達
填詞:林夕
編曲:金培達

錯甚麼 舊時做到太好之過
自信可立正去承受賽果
誰都想趁慘敗去羞辱我
偏偏很高貴地說
未跌低 就當做打和

怕甚麼 越贏越怕最終出錯
害怕輸 習慣了贏盡最多
誰都想以獎座去打敗我
只因不敢失去甚麼
讓我知錯
其實我不需要贏 只要做我

#難和天去比高 我輸得起都驕傲
以最美的風度 著最閃的戰袍
受過苦的心境更加高

從前輸過都好 在谷底給我漫舞
我要再進一步 看似輕於羽毛
就算這壓力如像天高
誰都想看到

重覆講錯不在錯不在我
到底因此得到甚麼
讓我知錯
其實我不需要贏 只要做我

年紀少不等於我是錯

28 六月 2005

今日終於都俾好多人迫到喊．．．好多親戚朋友打黎叫我唔好買樓～
千千萬萬樣野話係為我好．．．好討厭媽媽將所有野同啲親戚講～
佢唔想我買樓．．．佢自己唔同我講～
而要佢啲弟弟妹妹黎講．．．２０歲既人，難道就唔需要面子咩．．．
由細到大，差唔多我喜歡既野都係由我自己爭番黎，
要阿媽俾錢買波鞋買電腦．noway啦~

到而家我想買樓．為咩姐？唔通到三十歲我仲要同我細佬迫埋響同一間屋，
繼續幫佢執頭執尾？繼續好唔甘心咁做一個影子？
可能因為呢個成長環境，我有我自己嘅驕傲，同樣都唔習慣靠父母～
二十歲時可以爬得上呢個位，我都覺得自己有能力可以做得更好．．．
冇錯，我係冇學歷，我當年冇錢俾自己補習，冇讀大學．．．
但唔通呢一切只係我一個人既錯？而我而家有呢個成績，又要計番一啲唔係我可以影響到嘅錯．．．
係唔係好唔公平．．．用一啲唔清楚我生活性格嘅人黎批判我，我係絕對唔會甘心．．．

『年紀少不等於我是錯．盡情活著為何代表闖禍』

一個白羊座嘅人，性格係好勝心強，係做事有衝勁亦熱心，當然缺點就係有些衝動吧，
但係唔係不顧後果呢？我自問唔係，睇過咁多教訓，我自己都識驚。。。

而家，一日幾廿個電話打黎叫我唔好買樓～原因係：
１）我年紀細
２）收入唔穩定

香港何時會有收入穩定的人出現呢？

真係好累，連努力之後想有個願望都好困難，一生人，大家都只準備我做一個影子，
咁努力做好自己，又為左啲咩？去到最基本嘅問題，又何必當時要養大我？
要我背負咁多罪名而長大，就係為咗要我迎接人生嘅開始結束？
有個諗法～有ｄ想留番ｄ錢燒間屋俾自己算，咁又會唔會可以做到番自己？
要靠自己親手找回來嘅愛，原來真係冇咩味道．．

當天應該得7歲　我想喝媽媽的汽水
把它搶在掌心裡　大人無法迫我睡
他跟她今天竟飲醉　我想搶的不止汽水
輸光自尊也鬥下去　壓力大得慾望都失去

一閃一閃小星星　開開心心的唱詩
但為何一畢業才知　一世我也要考試
誰也好　即使愛侶都沒有必要待我好
甜辣酸苦都一樣當寶　
誰亦會計數 犧牲才得到的快樂　亦沒什麼味道
難怪我雙協插了刀　為博他答謝也好
仍沒法開心得這樣早　誰願欠我一世人間散步
善良人永遠天真到　做好心不信得惡報

終於都跟他分手了　我開過的心不算少
今天起睡得夠最重要　以後幸福亦未必敢笑
一閃一閃小星星　簡簡單單一輩子
就從頭到尾哼一次　忘記智商去做人都願意

好緊裝唷>0

好緊裝唷>0

21 六月 2005

好緊裝唷>0<
就黎23號啦~本攻略就出啦~~真係好緊裝~
呢件事我花左極大心血去做, 希望可以做到好成績啦。
不過, 今日終於願望達成啦~真係好開心~即刻有好大既動力去做野~
今次係我呢世女暫時最大既bouns~希望會不斷出現。。。

不過晚上番到家~~媽鬧我成日食紫菜~話我同我細佬一樣衰~
其實真係好嬲~我已經好努力去工作去自己照顧自己~
除左每日留d野俾我食, 我都冇其他野靠佢啦~
仲要話我衰...佢番工會辛苦, 要鬧咪鬧個仔囉~次次都要拖埋我黎鬧,
真係好嬲嬲嬲。。。不過我知道自己係叻b豬~我一定會令自己獨當一面~

然後, 收到公司有幾個問題要解決~
如果唔係就功虧一簣, 希望神可以賜多d時間同埋幸運俾多~
等我可以再一次解決難題。。。
有少少灰, 不過我都要盡我努力阻止地球滅亡

少女的祈禱 楊千嬅

祈求在路上沒任何的阻礙 令愉快旅程變悲哀
當這盞燈轉紅便會別離 憑運氣決定我生死
為了他 不懂禱告 都敢禱告 誰願眷顧 這種信徒
用兩手遮掩雙眼專心傾訴 寧願答案 望不到
唯求與他車廂中可抵達未來 到車毀都不放開
無論路上歷盡任何的傷害 任由我決定愛不愛